මැලේ අච්චාරු | Malay Pickle

June 6, 2018

ආහාර පිසීම කලාවක්. ඒක ඇතුලෙ එකිනෙකාට ආවේනික ක්‍රම තියනවා. රහස් තියනවා.සමහරු කැමති නැහැ රෙසපි එකක් සම්පූර්ණයෙන්ම තවත් කෙනෙක්ට කියල දෙන්න.සමහර රෙසපි තියනවා පරම්පරාවෙන් පැවත එන. ඒවා ඒ ඒ පරම්පරාවන්ට ආවේනික රෙසපි. මැලේ අච්චාරු කිව්වම හැමෝම දන්නවා හදන විදිය. මේ මගේ ආත්තම්මා හදන මැලේ අච්චාරුව.

 

 

 

අවශ්ය දේ:

කැරට් ගෙඩි 2

මාලු මිරිස් කරල් 3-4

බෝංචි අහුරක්

රතුලූනු කෝප්පයක්

අමු මිරිස් කරල් කිහිපයක්

කුඩාවට කපා ගත් අන්නාසි කෝප්පයක්

රටඉදි කෝප්පයක්

ලුනුදෙහි ගෙඩියක්

කුඩා හකුරු පෙත්තක්

ඉගුරු

සුදුලූනු

අඹරා ගත් අබ ස්වල්පයක්

තලාගත් එන්සල් කරල් කිහිපයක්

කරාබුනැටි කිහිපයක්

කෑලි මිරිස් මේස හැන්දක්

ලුනු රස අනුව

සීනි මේස හැන්දක්

විනාකිරි කෝප්ප කාලකට වඩා ටිකක් වැඩියෙන්

 

සාදන ආකාරය:

 

කැරට්,බෝංචි,මාලු මිරිස්,අමු මිරිස් කුඩාවට කපා ගන්න. ඉගුරු සහ සුදුලූනු එකට අඹරා ගන්න. ලුනුදෙහි කුඩාවට කපා ගන්න. ඇට ඉවත් කර රටඉදි කුඩාවට කපා කොටස් දෙකකට වෙන් කර එක කොටසක් සිහින්ව අඹරා ගන්න.හකුරු ග්‍රේටරයකින් සූරා ගන්න.

 

දැන් මැටි හට්ටියක් ලිප තබා එයට විනාකිරි දමන්න. එය උතුරාගෙන එනවිට අඹරා ගත් ඉගුරු සුදුලූනු පේස්ට් එක, අඹරා ගත් රටඉදි, කුඩාවට කපා ගත් ලුනුදෙහි, හකුරු,එන්සල් සහ කරාබුනැටි,ලුනු,කෑලි මිරිස්,අඹරා ගත් අබ සහ සිනී දමා හොදින් කලවම් කරමින් පිස ගන්න.

 

මෙය පාට වෙනස් වී ඝන තලපයක් වනවිට කපා ගත් එළවලු සහ ඉතිරි රටඉදි සියල්ල එකතු කර පේස්ට් එක සෑම තැනම තැවරෙන ලෙස හොදින් කලවම් කරන්න. ලිපෙන් ඉවත් කර නිවුනු පසු බෝතල්වල අසුරන්න.

 

අන්නාසි මෙයට එකතු කලොත් දවසක් දෙකක් යනවිට වතුර ගතිය උනනවා. ඒ නිසා කෑමට ගන්න කලින් අන්නාසි එකතු කරන්න. මෙය සතියක් දෙකක්,තුනක් උනත් කල් තියා ගන්න පුලුවන්.මේ තමයි මැලේ අච්චාරු හදා ගන්න නිවැරදි ක්‍රමය කිසිම රහසක් නැතිව.

 

Posted with permission fro Shikifood

 

Please reload

Our Recent Posts

මැලේ අච්චාරු | Malay Pickle

June 6, 2018

උම්බලකඩ සම්බෝලය

June 6, 2018

මාළු ඇඹුල්තියල් | Fish Embulthiyal

March 11, 2018

1/1
Please reload

Tags

Sales & Support: +44 (0)208 550 4566

32 Woodford Ave, Ilford IG2 6XQ

© Ceylon Supermart